पत्रकार महासंघ मोरङको कार्यवाहक अध्यक्षको विवाद टुंगियो, जिम्मेवारी भट्टराईलाई

२ कात्तिक, विराटनगर । निर्वाचित अध्यक्ष वैदेशिक रोजगारीमा गएपछि नेपाल पत्रकार महासंघ मोरङमा देखिएको कार्यवाहक अध्यक्षको विवाद टुंगिएको छ ।

नेपाल पत्रकार महासंघ केन्द्रीय समितिले खुल्ला उपाध्यक्ष नै जिल्ला शाखाको हकमा बरिष्ठ उपाध्यक्ष हुने विधानको व्याख्यासहित पत्र पठाएपछि मोरङको विवाद टुङ्गिएको हो ।

विदेश गएका अध्यक्ष सन्जिव खनालले महिला उपाध्यक्ष तारा आचार्यलाई कार्यवाहक अध्यक्षको जिम्मेवारी दिएका थिए । कार्यवाहकको विषयमा खुल्ला उपाध्यक्ष मोहन भट्टराईले विधानको ब्याख्या गर्दै आवश्यक निर्णय दिन पत्रकार महासंघलाई पत्र पठाएका थिए ।

विधानको व्याख्या गर्दै केन्द्रीय समितिले नेपाल पत्रकार महासंघको विधान २०६० (पाँचौं संशोधन २०७५) परिच्छेद ५ को दफा २२ को उपदफा १ मा उल्लेखित बरिष्ठ उपाध्यक्षको काम, कर्तव्य र अधिकारको विषय जिल्ला शाखाको हकमा खुल्ला उपाध्यक्षको हुने भएकाले सोही बमोजिम गर्न भन्दै प्रदेश समितिलाई पत्र पठाएको छ ।

Scroll to Top